Нацыянальны акадэмічны Вялікі тэатр оперы і балета Рэспублікі Беларусь

Апісанне

Гэта адзін з самых прыгожых будынкаў горада. Тут праходзяць прадстаўленні не толькі для дарослых, але і для маленькіх гледачоў. Тэатр быў пабудаваны ў 1939 годзе на Траецкай гары. Сёння будынак звонку мае свой першапачатковы выгляд, але ўнутры абсталяваны найноўшымі тэхналогіямі і сучаснай сцэнай. Зачароўвае і інтэр’ер тэатра, упрыгожаны роспісам на столях, крыштальнымі люстрамі, пазалочанай ляпнінай.

Фасад тэатра ахоўваюць бронзавыя скульптуры чатырох муз і Апалона.

Будынак размешчаны ў маляўнічым скверы, на галоўнай алеі якога радуе прахожых вялікі каскадны фантан. Алеі сквера ўпрыгожаны скульптурнымі кампазіцыямі «Балет» і «Оперная муза». А недалёка ад уваходу ў тэатр прыселі адпачыць дзве бронзавыя фігуркі танцорак.

Відэа

Віртуальны тур